جماعت اسلامی کی ریلی پر کریکرحملہ،39 افراد زخمی

کراچی کے علاقے گلشن اقبال میں جماعت اسلامی کی کشمیر یکجہتی ریلی پر کریکر حملے میں 39 افراد زخمی ہوگئے۔

دھماکا ریلی میں شامل مرکزی ٹرک کے قریب اس وقت ہوا جب شرکا مسجد بیت المکرم کے قریب سے گزر رہے تھے، ایس پی سجاد سدوزئی نے بتایا کہ موٹر سائیکل سوار 2 نامعلوم افراد گرنیڈ پھینک کر فرار ہوئے۔

زخمیوں کو المصطفی اسپتال، جناح ، آغا خان اور لیاقت نیشنل اسپتال منتقل کیا گیا۔ اکثر افراد کو طبی امداد دے کر گھر بھیج دیا گیا البتہ 3 کی حالت تشویشناک ہے۔

امیر جماعت اسلامی کراچی حافظ نعیم الرحمان نے پریس کانفرنس میں کہا کہ  مجرموں کو کیفر کردار تک نہ پہنچایا گیا تو مرکزی عہدیداروں سے مشاورت کے بعد لائحہ عمل کا اعلان کیا جائے گا۔

امیر جماعت اسلامی سراج الحق نے حملے میں بھارتی ایجنٹس کو ملوث قرار دیا ہے، چیئرمین پیپلزپارٹی بلاول بھٹو زرداری ، جے یو آئی ف کے امیر مولانا فضل الرحمن اور دیگر سیاسی رہنماوں نے حملے کی مذمت کرتے ہوئے ذمے داروں کی گرفتاری کامطالبہ کیا ہے۔

ٹرینڈنگ

مینو