نیوکلیئر پاور اسٹیشن : ٹاور گرانے کی ویڈیو

جرمنی کے نیوکلیئر پاور اسٹیشن کے 2 کولنگ ٹاورز کو گرانے کی ویڈیو جاری کردی گئی ہے۔

یہ فلپسبرگ پاور پلانٹ جرمنی کے جنوب مغربی علاقے میں واقع تھا۔ اس کے دونوں ٹاورز کو ایک ایک کرکے کنٹرولڈ دھماکوں سے  گرایا گیا۔

ٹاورز صبح 6 بجے گرائے گئے۔ انہیں منہدم کرنے کا وقت لوگوں سے خفیہ رکھا گیا تھا تاکہ لوگ لاک ڈاون توڑ کر منظر دیکھنے نہ پہنچ جائیں۔

ٹاورز گرنے سے دھوئیں کے بادل تیزی سے اٹھتے اور علاقے میں پھیلتے دیکھے جا سکتے ہیں۔

اس پلانٹ کا ایک ری ایکٹر 2011 اور دوسرا 2019 میں بند کردیا گیا تھا۔ اقدام کا مقصد نیوکلیئر پاور کے استعمال کو کم سے کم کرنا تھا۔

جرمنی میں آخری نیوکلیئر ری ایکٹر 2022 میں کام ختم کردے گا۔ جرمنی میں اب ری نیوایبل زرائع سے توانائی حاصل کرنے پر توجہ مرکوز کردی گئی ہے۔ اس مقام پر بھی اب ایسا ہی ٹرانسفارمر اسٹیشن بنائے جانے کا امکان ہے۔

ٹرینڈنگ

مینو