بھارتی درندگی، بچے کے سامنے نانا کا قتل

ویب ڈیسک

بھارتی فوج نے مقبوضہ کشمیر میں درندگی کی انتہا کردی، 3 سالہ بچے کے سامنے نانا کو شہید کردیا، کم سن نانا کی لاش پر بیٹھ کر روتا رہا۔

بھارتی فورسز نے مقبوضہ کشمیر کے علاقے بارہ مولا میں نام نہاد آپریشن کے دوران بزرگ شہری کو گاڑی سے اتار کر شہید کردیا ، 65 برس کے بشیر احمد اپنے نواسے کے ساتھ سرینگر سے بارہ مولا جارہے تھے۔

بچہ نانا کی لاش پر روتا اور بھارتی فوجیوں کو بے بسی سے دیکھتا رہا، کم سن کی تصاویر اور ویڈیوز نے دیکھنے والوں کے دل دہلا دیئے ہیں۔

بشیر احمد کی بیٹی کا کہنا ہے کہ ان کے والد کو بچے کے سامنے شہید کیا گیا ، ظالموں کو سزائے موت دی جانی چاہئے۔

بشیر احمد کی نماز جنازہ میں شریک ہزاروں افراد نے مودی سرکار کے خلاف احتجاج کیا ، عوام نے آزادی کے حق میں نعرے لگائے اور بھارتی فوج کے وادی سے انخلا کا مطالبہ کیا۔

ٹرینڈنگ

مینو