دوسرا ٹیسٹ: قومی بیٹنگ لائن فلاپ

انگلینڈ کے خلاف دوسرے ٹیسٹ میں بھی پاکستان کی بیٹنگ لائن لڑکھڑا گئی، قومی ٹیم نے پہلے دن کے اختتام پر 5 وکٹوں کے نقصان پر 126 رنز بنالئے۔

ساؤتھمپٹن میں دوسرے ٹیسٹ میچ کے پہلے روز کپتان اظہر علی نے ٹاس جیت کر بیٹنگ کا فیصلہ کیا، اوپنر شان مسعود ایک رن بنا کر پویلین لوٹ گئے، کپتان اظہر علی دوسرے میچ میں بھی چل نہ سکے، وہ 86 گیندوں پر صرف 20 رنز بنا کر آوٹ ہوئے۔

عابد علی 60 رنز بنا کر کیچ دے بیٹھے جبکہ اسد شفیق صرف 5 رنز بنا کر پویلین سدھارے ،  فواد عالم کو شاداب خان کی جگہ 11 برس بعد ٹیم میں شامل کیا گیا لیکن وہ صفر پر ایل بی ڈبلیو ہوگئے، بابر اعظم 25 اور محمد رضوان 4 رنز بناکر وکٹ پر موجود ہیں۔

انگلینڈ کی جانب سے جیمز اینڈرسن نے 2 جبکہ اسٹیورٹ براڈ، سیم کرن اور کرس ووکس نے ایک ایک وکٹ حاصل کی۔

ٹرینڈنگ

مینو