منگل 29 ستمبر , 2020

کرنل کی بیوی کا چرچا،آرمی چیف کا نوٹس! ویڈیو

نیوز ڈیسک

پولیس سے بدتمیزی کرنے والی خاتون کی ویڈیو سوشل میڈیا پر وائرل ہوگئی ، خاتون نے خود کو کرنل کی بیوی ظاہر کرتے ہوئے قانون کی دھجیاں اڑادی تھیں۔

فرض شناس پولیس اہلکار نے ہزارہ موٹروے چیک پوسٹ پر خاتون کی گاڑی کو روکا تھا جہاں اور بھی کئی گاڑیاں روکی گئی تھیں۔

خاتون طیش میں آگئیں، پہلے گاڑی کے اندر بیٹھے بیٹھے رکاوٹ ہٹانے کا حکم دیا پھر آپے سے باہر ہو کر نیچے اتر آئیں۔

پولیس اہلکار کو دھمکی  دیتے ہوئے انھوں نے کہا کہ گاڑی کو جانے کی اجازت نہ دی گئی تو وردی اتروا دوں گی تاہم پولیس اہلکار نے قانون کی بلادستی کو قائم رکھا ، اہلکار نے انتہائی تحمل اور بردباری کا مظاہرہ کرتے ہوئے خاتون کو سمجھانے کی کوشش کی کہ باقی تمام لوگ بھی قطار میں کھڑے ہیں وہ بھی انتظار کریں۔

خاتون نے برا بھلا کہتے ہوئے بیریئر ہٹا دیا اور ڈرائیور کو حکم دیا کہ گاڑی آگے بڑھاو۔ اس پر اہلکار گاڑی کے سامنے جا کھڑا ہوا تو خاتون نے ڈرائیور کو حکم دیا کہ اہلکار کو روند ڈالو۔

ڈرائیور کی ہمت نہ ہوئی تو خاتون خود ڈرائیونگ سیٹ پر جابیٹھیں تاہم پولیس اہلکار نے ڈرم رکھ کر راستہ روک لیا۔ جب خاتون نے تیز رفتاری سے گاڑی دوڑادی تو پولیس اہلکار اپنی جان بچاتے ہوئے ایک جانب  ہوگئے۔

یہ ویڈیو اس وقت سوشل میڈیا پر وائرل ہے اور شدید ردعمل کا اظہار کیا جارہا ہے۔

اینکر پرسن غریدہ فاروقی نے ٹوئٹ کیا اور دعویٰ کیا کہ چیف آف آرمی اسٹاف جنرل قمر جاوید باجوہ نے واقعے کا نوٹس لے لیا ہے۔

ٹرینڈنگ

Load More

یہ بھی پڑھیں

مینو